Til að spara þér tíma og orku er best að gera þetta í réttri röð. Taktu eftirfarandi 4 skref til að koma upp eigin vefsíðu.

Addon domain er notað til að búa til sjálfstæða vefi með sér eigið lén en undir einni vefhýsingu. Þetta gera menn til að spara sér að kaupa margar hýsingar fyrir vefina sína eða af því það hentar að sýsla með alla vefina undir einum hatti þ.e. einu stjórnborði. Til að fá meiri aðskilnað í umsýslu mismunandi heimasíðna er einfaldast að kaupa tvær vefhýsingar.

Til eru tvær megin leiðir við uppsetningu léna á vefsvæðum. Önnur heitir Parked Domains og hin heitir Addon Domains. Parked domain er lén sem er lagt ofan á annað lén og vísar í raun á sömu vefsíðu/heimasíðu. Hjá okkur eru enging takmörk fyrir því hversu mörg lén geta vísað á sömu vefsíðu.

Við hvetjum viðskiptavini okkar til að verða alvöru lénsherrar með því að ráða yfir lénunum sínum. Sérstaklega á þetta við um innlendu .is lénin. Þeir sem láta yfirráð léns frá sér með því að kaupa pakka þar sem lénið er innifalið eru í raun undir hælnum á viðkomandi aðila með ímynd sína á veraldarvefnum svo ekki sé talað um möguleika á okri af ýmsu tagi. Taktu því lénin þín föstum tökum og gangtu úr skugga um að þú sért löglegur rétthafi þeirra og fáðu þitt netfang skráð í rétthafaskrá isnic.

Við bjóðum þeim sem vilja skoða pöntunarferlið án ábyrgðar að gera þykjustunni pantanir. Í pöntunarferlinu er möguleiki á að haka við að verið sé að prófa. Þannig pantanir eru einfaldlega ekki afgreiddar með uppsetningu vefsvæðis en þú færð samt kost á að sjá hvernig ferlið gengur fyrir sig. Þó þarf að setja inn netfang til að sjá staðfestingapósta og slíkt.

Fyrir miðjan mars 2008 settum við upp nýja gerð eldveggja fyrir megin vefþjóninn okkar. Nýji eldveggurinn lokar aðgangi tölvuþrjóta sjálfkrafa eftir ákveðnum vísbendingum sem þrjótarnir gefa sjálfir með tilraunum sínum. Án eldveggjarins eru kerfin okkar eftir sem áður örugg fyrir, því við höfum lært að treysta varnirnar með árunum og sjá við árásum. Eldveggurinn gefur okkur aukavörn gegn nokkrum tegundum árása sem tölvuþrjótar eru að reyna meir og meir. Lokað er á IP tölur viðkomandi árásaraðila þannig að frá þeirra sjónarhól er eins og vefþjónninn sé ekki lengur til þ.e. hann verður ósýnilegur gagnvart viðkomandi í vissan tíma en það nægir oftast til að fá þá til að missa áhugann.

Þeir sem hafa hjá okkur heila vefþjóna fá nú þegar 50% meira pláss en fyrir áramót á óbreyttu verði. 10GB vélarnar stækka í 15GB, 20GB vélarnar stækka í 30GB. Viðskiptavinir í vefhýsingu fá einnig stækkun í febrúar 2008 þ.e. grunn hýsing fær 150MB og Bronz fær 300MB. Að svo stöddu stækkum við ekki Silfrið en gefum þeim þess í stað ssh aðgang ef þeir óska þess.

Bæði orðin í fyrirsögninni tengjast hryllingi í huga okkar flestra í nánast öllu öðru samhengi. En þegar þau standa saman eru þau fagnaðarefni jafnvel grandvörustu einstaklingum. 

Vefumsjónarkerfi verða æ vinsælli hjá lénsherrum internetsins. Þau auðvelda mjög innsetningu/uppfærslu á efni og ekki þarf sérþekkingu í vefsíðugerð til að nota þau. Við höfum nú notað sjálfir og sett upp fyrir viðskiptavini Joomla og Mambo vefumsjónarkerfi í nokkur ár. Áreiðanleiki og sveigjanleiki þessarar kerfa færir þau höfuð og herðar yfir flest önnur kerfi í gæðum.

Þú getur nýtt GMail sem tölvupóstviðmót og sótt og sent tölvupóst þaðan í nafni þíns eigin léns. Þetta er einfalt í uppsetningu og þarfnast engrar sérstakrar tæknikunnáttu. Hér eru leiðbeiningar:

"Ég ákvað að gefa mér smá  tíma til að hæla strákunum og auðvitað stelpunum líka þarna á edal.net. Ég hef verið í viðskiptum við edal.net í nokkur ár."

Megin vefþjónn okkar hefur verið tvöfaldaður að stærð til að stytta svartíma og svara auknu álagi. Við fylgjumst með álagi á vefsíður viðskiptavina til að gæta þess að svartími vefsíðna sé eins lágur og mögulegt er. Okkur er annt um orðspor okkar hvað það varðar.

Töluvert er um það hjá viðskiptavinum að þeir geymi póstinn sinn hjá okkur varanlega jafvel þó þeir sæki póstinn með Outlook eða öðrum póstforritum. Það felst mikið öryggi í að eiga póstinn á tveimur stöðum og aðgengilegan hvaðan sem er í heiminum því sem næst. Í Outlook er netfangið stillt með valmöguleikanum "Leave mail on server" til að fá fram þessa virkni.

Útgáfa RC1 (Release Candidate 1) af Joomla 1,5 kom út fyrur nokkru síðan. Notendur um allan heim eru að prófa nýja kerfið og þar á meðal við. Vefumsjónarhlutinn er mjög flottur en hefur jafnframt verið einfaldaður að mörgu leiti. Þær breytingar sem við höfum séð eru mjög til bóta. Eitt af markmiðum hönnuðanna var svokallað "backward compatibility" gagnvart skapalónum og viðbótum.

Hafir þú áhuga á að bæta við léni með sérstöfum er ekkert því til fyrirstöðu lengur. Isnic er með sérstakt tilboð til þeirra sem eiga lén sem passa við samsvarandi lén með sérstöfum. Ath. að hugbúnaður gesta þarf að umrita nafn lénsins þannig að ekki er sjálfgefið að hægt sé að slá þessi lén inn hvar sem er. Dæmi: http://www.íkon.is umritast sem xn--kon-qma.is.